ନିଜ ଗୃହ କୁ ଦେବାଳୟ କରିବା ସହ ଜଗତ ରକ୍ଷା କରିବା ।

ଆମେମାନେ ସମସ୍ତେ ପରିବାର ଭିତରେ ବହୁତ ସମୟ ଏବେ କଟାଇବା ପାଇଁ ଏକ ସୁଯୋଗ ଆସି ଅଛି । ସରକାରଙ୍କ ତରଫରୁ ନିବେଦନ କରାଯାଇଛି ଯେ ଘରେ ସମସ୍ତେ ରହନ୍ତୁ ଆବଶ୍ୟକ ପଡ଼ିଲେ ବାହାରକୁ ଯାଆନ୍ତୁ । କାରଣ ଭୂତାଣୁ ଜନିତ ଏକ ରୋଗ ଆମକୁ ସଂକ୍ରମିତ କରିପାରେ ।
         ଏହି ସମୟରେ ଆମମାନଙ୍କ ର ମାନସିକ ସ୍ତରରେ ଭୟ ଗ୍ରାସ କରିଯାଇଅଛି । ଭୟରୁ ବଂଚିତହେବା ର ଏକମାତ୍ର ସରଳ ଉପାୟ ହେଲା ଇଶ୍ଵର କିମ୍ବା ଗୁରୁ ପ୍ରତି ଦୃଢ ବିଶ୍ବାସ ବଢ଼ାଇ ସବୁ ବିପଦ କୁ ସାମ୍ନା କରିବା । ନିଜ ପରିବେଶ ସୁନ୍ଦର ରଖିବା , ନିଜର ଯତ୍ନ ନେବା , ବୟସ୍କ ମାନଙ୍କର ସ୍ୱାସ୍ଥ୍ୟ କୁ ନୀରୋଗ ରଖିବା ସହିତ କିଛି ସମୟ ଆରଧନା ରେ ସମୟ ବିନିଯୋଗ କରିବା । ନିରନ୍ତର ନାମ ଜପ ବିଶେଷ କରି ଗୁରୁ କିମ୍ବା ଭଗବାନଙ୍କ ନାମ ହେବା ଉଚିତ । କାରଣ ଏହି ଯୁଗରେ ନାମ ଜପିବା ଦ୍ୱାରା ଜୀବନ ରକ୍ଷା ହୋଇ ପାରିବ ।
      ଶିରିଡି ର ସାଇବାବାଙ୍କ ପ୍ରଥମ ଶିରିଡି ଆଗମନ ସମୟରେ ମହଲାସ ପତି ତାଙ୍କୁ ଆଓ ସାଇ ବୋଲି ସମ୍ବୋଦିତ କରିଥିଲେ ।। ସେହି ପରଠାରୁ ସାଇ ନାମରେ ଜଗତ ରେ ନାମିତ ହେଲେ । ସାଇ ସତଚରିତ ରେ ଉଲ୍ଲେଖ ଅଛି ଯେ କୌଣସି ଭକ୍ତ ଅସୁବିଧା ସମୟରେ ସାଇ ସାଇ ସାଇ ଜପିଲେ ତାର ଅସୁବିଧା ଦୂର ହୋଇ ଯିବ । ଆମେ ଘରେ ରହୁଥିବା ସମୟରେ ସାଇ ସାଇ ସାଇ ଜପିବା ଉଚିତ । ଜପିବା ଫଳରେ ଆମର ଭୟ ଦୂର ହେବା ସହିତ ଏକ ମନୋବଳ ବୃଦ୍ଧି ଘଟିବ ।
          ତେଣୁ ନାମ ଜପିବା ସହିତ ତାଙ୍କ ପଦରେ ଫୁଲ ଟି ଦେଇ ଗୁହାରି କରିବା ହେ ସାଇ ଜଗତରୁ ଭୟଙ୍କର ସଂକ୍ରମଣ ରୁ ଆମମାନଙ୍କୁ ରକ୍ଷା କରନ୍ତୁ ।
   ନିଜଗୃହରେ ରହିବା .....ନିରନ୍ତର ଜପିବା... ଜନଜୀବନ କୁ ସୁରକ୍ଷିତ ରଖିବା ।